كلنا عايشين الدنيا بالطول والعرض بناكل أحسن أكل وبنلبس أحسن لبس
بنشوف بنقرا بنتعلم بنختار بيوتنا وبنختار صحبتنا وبنختار طريقنا
إنت وإنتِ اخترتم تعيشوا إزاي
دعاة كلنا هنبقى دعاة بس ولا فيه حاجات تانية مهمة
شاغلين حياتنا بالتليفزيون والكمبيوتر والمنتديات والدروس
شاغلين حياتنا بأهلنا وأصحابنا وولادنا
معلش يعني ( آسفة ) ماتملوش ولاتضايقوا كملوا الموضوع
وفي الآخرة ياترى مستنيين إيه ؟
أعمالنا من الدعوة جميل مش وحش
حفظنا لكتاب الله أجمل
صحبتنا الطيبة رائع
بس للأسف كل ده مش كفاية
أنا عن نفسي هقولكم أنا بحلم يستنانا مين ؟
كفيف
فقد بصره بيتعلم بس للأسف مش قادر أشياء كثيرة تعوقه
ليه ماتكونش عنيه اللي بيشوف بيها ؟ لماذا تتركه وحيدآ ؟
نقدر نساعده بحاجات كتير نسجله كتابه على شرائط
نجمع ونشتري ماكينة برايل التي لايقل ثمنها عن 30 ألف جنيه مصري .
نتبرع بكل شريط عليه معصية يسجل عليه
نذهب لأماكنهم ونصاحبهم نشوف عايز يروح فين
ماتقولش هلاقيهم فين هتلاقيهم كتير ومحتاجينا
وهيستناك ياخد بإيديك للجنة
يتيم
فقد أبيه ومنهم من فقد الإثنين محتاجك تزوره بهدية محتاجك تكفله محتاج كلمة طيبة
محتاج رعاية تعوضه عما افتقد محتاج متابعة لدروسه محتاج ملابس للعيد وحاجات كتير
وهم أكثر مما تتخيل ومعاهم أطفال الشوارع اللي بيناموا من غير غطاء وإنت نايم بأحسن وأغلى غطاء كلهم في رقبتنا
وهيستناك ياخد بإيديك للجنة
مريض
أعيته كثرة المصاريف حتى يجد دواء ب30 أو 40 جنيه بالله عليكم لما بنتعب بنستحمل
مش لاقي حقنة السكر ولا دواء الكبد والأطفال بتموت علشان عملية ب5 آلاف جنيه
محتاج زيارة محتاج احتواء محتاج نظارة علشان يشوف بيها محتاج غطاء يدفيه محتاج كرسي عجل يحركه .
مش لاقيه دا كل بلادنا مريضة
وهيستناك ياخد بإيديك للجنة .
مسن
يعني أب أوأم اترموا في دار مسنين علشان عندهم ولاد حسبنا الله ونعم الوكيل
كبر الأب ملقاش مكان بين ولاده أخذوه بأيديهم لهذا القبر ( الدار ) التي فيها من الوحدة ماتكفي لقتل أنفسهم أمراضهم ودموعهم اللي اتحبست فلم يرحمهم أحد حتى فلذات أكبادهم لماذا لانمد إليهم أيدينا ؟
المسنين كتير وفي كل مكان
وهيستناك ياخد بإيديك لهناك( الجنة )
فقير
مش لاقي ياكل حتي الخبز سترنا الله وإياكم ليه مافكرتش تعمل صدقة شهرية أقلها عشرة جنيهات أنت وصحبة الخير الشنطة ب60 جنيه إيه يعني ؟ بنصرف كم جنيه كل يوم ؟ وماحدش يقول مش قادر لاتضعها في جمعيات خيرية اعمل بإيدك ووصل بإيدك مرة في الشهر اعتبرها نزهة
والفقراء ماأكثرهم
وأكيد هيستناك ياخد بإيدك للجنة
أنا ماخلصتش ولم أنتهي فمازال الكثير منتظرين حتى يأخذوا بأيدينا للجنة
في ناس كتير تانية ممكن تاخد بإيدينا لهناك
للجنة
محتاجة مننا جهد إيه المشكلة ؟
كل حاجة بنعملها في حياتنا بتجهدنا بس جهد بحب ومثابرة
أفضل من جهد يزيدك عناء على عناء. ومن الناس دي :-
عروسة يتيمة
محتاجة للعفة زي كل بنات المسلمين محتاجة حد يساعد أمها اللي ضهرها اكسر من كتر انحنائها على ماكينة خياطة أو فرن سمك وفي عز الحر وعز المطر تستحمل علشان تعف بنتها وأم أخرى تعمل بالبيوت تتورم قدماها علشان مش لاقية اللي يحس بمعاناتها ويمد إيديه ليها ويعف بنتها
عارفين بنتها دي محتاجة إيه ؟ حبة هدوم ( ملابس ) ومش لاقية سجادة ومش لاقية بوتجاز وتلاجة وغسالة حتى ولو مستعملة ومش لاقية ....!!
ليه سيبينهم ؟ مش لاقيين بنكدب على نفسنا دوري هتلاقي كتير مش لاقيين .مستنية تاخد بإيديكِ للجنة
طالب علم
أنتِ لماذا تعلمتي ؟
علشان تشتغلي وبعدين اشتغلتي في تخصصك ولا لأ ؟
طيب وعملتي إيه بما اتعلمتِ ؟
كاتمة علم هو ده اللقب اللي أخذتيه من تعليمك .
ليه ماتساعديش بتخصصك بنات محتاجة دروس تقوية أهلها مش قادرة تدفع فلوس لدروس أصلآ هما مش قادرين ياكلوا هيعلموا ولادهم ؟
لو مديتي إيدكي ليها ممكن تكمل ممكن تتعلم
ممكن تساعدي في تعليم اللغة العربية الصحيحة
تساعدي حد على قراءة قرآن للي نفسه يقرأ ولو حرف
حفظتِ قرآن جميل وليه ماتستغليش ده في التحفيظ أو في التفسير أو التجويد .
طلبة العلم كتير وفي كل مكان.
هتستناكِ تاخد بإيديكِ للجنة
جائع
كم مرة أفطرتِ صائمآ ؟
كم مرة تذكرتي هؤلاء الفقراء والمساكين وأنتِ تتناولين طعامك الذي هو من أفخر الأطعمة وأغلاها ؟
كم مرة تذكرتِ طفل شارع لايقتات إلا من القمامة أعزنا الله وإياكن ؟
كم مرة اشتهيتِ صنفآ للطعام ؟
وكم مرة هم يشتاهون لأقل القليل ؟
عملتِ إيه لجارة مسكينة ممكن تكون بابها مقفول عليها وإنتِ مش عارفة عنها حاجة وتتفاجئين إنها مش لاقية أكل .
يومآ وجدت امرأة في رمضان فجرآ بجانب منزلي تفتش في القمامة وتأخذ منها الخضرة والخبز ولما استوقفناها أنا ومن معي ارتبكت ارتباك شديد وبكت بحرقة قائلة : استروني لكن كانت الصاعقة أكتر لما نظرت لوجهها وعرفتها ولكنها لم تعرفني من غطاء وجهي كانت جارة واكتشفت حينها فقط أن الظاهر حاجة والباطن حاجة تانية
مش لاقية تاكل .
ليه احنا دايمآ مابنفكرش غير هناكل إيه ونشرب إيه ونلبس إيه ؟
وناسيين كل الناس دي
امرأة وقت الإفطار تجلس بصغارها الثلاث في أرض خلاء بجانب قمامة تطعمهم منها
أين نحن حينها ؟
في بيوتنا نجري هنا وهناك هات العصير , الفاكهة , اللحوم وياأسفاه فلمن هؤلاء ؟
تذكرِ أننا كلنا مسؤولون حينما نقف بين يدي الله ؟ فماذا سنقول ؟
ماشفنهمش مانعرفهمش مستنين لما يخبطوا على بيوتنا ويتسولوا هنا وهناك حينها نقول خلي عندكم عزة نفس .
شاركِ في إطعام الطعام , إفطار الصائمين فقراء ومساكين وأيتام وطلبة مغتربين وأطفال شوارع وهلما جره يعني ( ومازال المزيد )
وقتها هتستناكِ تاخد بإيديكِ لهناك للجنة
لاتنسي إفطار صائم .حتى ولو بشق تمرة .
الإهداءات
آخر 10 مشاركات
02-22-2012, 04:33 PM
هتقابل مين فى الجنه ؟
العرض العادي
